ئیمام ناصر محمد یەمانی
26 - 06 - 1429 کۆچی
01 - 07 - 2008 زایینی
09:41 ئێوارە
[بۆ بەدواداچوونی بەستەری سەرەکی بەشداری بەیانەکە]
‏https://mahdialumma.xyz/showthread.php?p=46481
ـــــــــــــــــــ

ئەی گەلی زانایانی ئوممەت بەڵگە لە زانستدایە نەک لە ناو ..

بە ناوی الله ی لە ھەموو میھرەبان و بە بەزەییەکان میھرەبانترو بە بەزەییتر، درودو سڵاو لەسەر نێردراوو پێغەمبەران، سوپاس و ستایشیش بۆ اللە ی پەروەردگاری خەڵکی جیهان، دواتر..

برای بەڕێزم، چی لە پیاوێک دەبینی کە هۆشداری بە باوەڕداران دەدات لە شەریک و ھاوبەشدانان بۆ اللە و تەوەسول کردن بە بەندە نزیکەکانی اللە و کردنە نێوەندیان لە دوعاو پاڕانەوە لەنێوان خۆیان و پەروەردگار، پاشان شەریک و ھاوبەشدانان و جۆرەکانیان بە وردی بۆ باسدەکات و بانگەوازیشیان دەکات بۆ ئەوەی تەنها اللە بپەرستن بێ ئەوەی ھیچ شەریک و ھاوبەش و ھاوەڵێکی بۆ دابنێن تا دەست بە ڕەحمەت و میھرەبانیەکەی اللە ی لە ھەموو میھرەبان و بە بەزەییەکان میھرەبانترو بە بەزەییتر بگرن، کە ئەوە چاکترە بۆیان لەوانەی ڕەحم و میھرەبانیەکەیان کەمترو نزمترە لە ڕەحم و میھرەبانیەکەی اللە، وە لەسەر ئەوە بە وردی دەسەڵاتی زانستەکەی لە قورئان بۆ باسکردوون؟ جا دوای ئەوە وەڵامەکەت بۆ ئێمە ئەوەیە بەم قسەیەت ئامۆژگاریمان دەکەی و دەڵێی: "لە اللە بترسە"! جا ئایا وام دەبینی لە تەقواو پارێزکاری دەرچووبم و بۆ بەتاڵ بانگەوازم کردبن تا پێم بڵێیت لە اللە بترسە؟ جا ئایا حەق بە بەتاڵ دەبینی و بەتاڵیش بەحەق دەبینیت و ھەموو دەسەڵاتی زانستە ڕاست و دروستە ڕوون و ئاشکراکەشت لە قورئان پشتگوێ خستووە بەھۆی ئاشوبی ناوی ئەو مەھدیە حەقەی بە جگە لەم ناوە ھاتووە کە ئێوە چاوەڕێتان دەکرد؟ جا ئایا وای دەبینی اللە بەڵگەی لە ناو داناوە یان لە زانست؟ جا ئەگەر وای دەبینی اللە بەڵگەی بۆ لە ناو داناون ئەوا فەرموو لەسەر ئەوە دەسەڵاتی زانستەکەت بھێنە ئەگەر لە ڕاستگۆیانیت، گەر نا دواتر من لە قورئانی گەورەوە بۆتی دەهێنم و دەڵێم: تەنانەت ئەگەر قورئان باسی ئەوەشی کردبووایە ناوی مەهدی چاوەڕوانکراو محمد ـە، ئەوا ئەو ناوە هەر بۆ ئێوە بەڵگە نابێت لەبەرامبەر بە مەهدی چاوەڕوانکراوی ڕاستەقینە، وە ئەگەر هەر پێداگر بوویت ئەوا تۆ بە ناڕەوا بەڵگە بەسەر دوایین نێردراوو پێغەمبەران محمد نێردراوی اللە جێبەجێ دەکەیت درودو سڵاوی اللە لەسەر خۆی و کەس و کارەکەی، ئەمەش بەپێی فەتوا ناڕەواکەت کە دەڵێی بەڵگە لەناودایە نەک لە زانست، جا ئەگەر بەڵگەکەی تۆ ڕاست بێت ئەوا دواتر پشتڕاستکردنەوەی بەڵگەکە لە قورئانی گەورە دەبینیت، وە ئەگەر فەتواکەشت بەتاڵ بێت ئەوا دواتر دەبینی فەتواکەت دژو پێچەوانەیە لەگەڵ ئەوەی لە مەحکەمی کتێبەکەی اللە هاتووە. لەم فەرموودەیەی اللە ی پایەبەرز: {وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُمْ مُصَدِّقًا لِمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِنْ بَعْدِي اسمهُ أَحْمَدُ} صدق الله العظيم [الصف:6].

جا ئەگەر بەهۆی جیاوازی ناوەکەی واگومان دەبەیت بەڵگەت بەسەر مەھدی چاوەڕوانکراوی حەقدا جێبەجێ کردووە ئەوا بەوە تۆ بەڵگە بەسەر محمد نێردراوی اللە جێبەجێ دەکەی - درودو سڵاوی اللە لەسەر خۆی و کەس و کارەکەی- بەوەی هەمان ئەو پێغەمبەرە نیە کە عیسای کوڕی مەریەم درودو سڵاوی لەسەربێت مژدەی هاتنی دەدا، بە ڕەچاوکردنی جیاوازی ناوی چاوەڕوانکراوی پێغەمبەرە ڕەوانەکراوەکەی دوای پێغەمبەری اللە عیسا کە ناوەکەی ئەحمەدە، بەڵام بە ناوی محمد ھات، ھەرچەندە لە کتێبەکەی اللە محمد نێردراوی اللە - درودو سڵاوی اللە لەسەر خۆی و کەس و کارەکەی - بریتیە لە خودی ئەحمەد نێردراوی اللە، جا اللە لە کتێبەکەی دوو ناوی بۆ داناوە تا خاوەن ژیری و ھۆشمەندەکان لەوە تێبگەن اللە بەڵگەی لەناو دانەناوە، بەڵکو لە زانست دایناوە، ئەمەش چونکە محمد نێردراوی اللە بە زانست گفتوگۆی لەگەڵ نەصاراکان دەکرد، جا بەو شێوەیە زانیان ئەو پێغەمبەرو نێردراوێکە لەلایەن پەروەردگاری خەڵکی جیھانەوە، وە بریتیە لەھەمان ئەو کەسەی مەسیح عیسای کوڕی مەریەم مژدەی ھاتنی دەدا، تەنھا کەسە دوودڵ و ڕاڕایەكان نەبن لە نەصاراکان، ئەوانەی دەستیان بە بەڵگەی ناوەکەی گرتبوو، لەکاتێکدا محمد نێردراوی اللە بە زانست گفتوگۆی لەگەڵ دەکردن و بەڵگەی بەسەردا دەھێنانەوە. اللە ی پایەبەرزیش فەرموویەتی: {فَمَنْ حَآجَّكَ فِيهِ مِن بَعْدِ مَا جَاءكَ مِنَ الْعِلْمِ فَقُلْ تَعَالَوْاْ نَدْعُ أَبْنَاءنَا وَأَبْنَاءكُمْ وَنِسَاءنَا وَنِسَاءكُمْ وَأَنفُسَنَا وأَنفُسَكُمْ ثُمَّ نَبْتَهِلْ فَنَجْعَل لَّعْنَةُ اللّهِ عَلَى الْكَاذِبِينَ} صدق الله العظيم [آل عمران:61].

جا سەیری ئەو حەقە بکەن کە اللە بەڵگەی لە زانست داناوە. اللە ی پایەبەرز فەرموویەتی: {فَمَنْ حَآجَّكَ فِيهِ مِن بَعْدِ مَا جَاءكَ مِنَ الْعِلْمِ}.

تا ئەوکاتەی زانایانی نەصارا بیریان لەوە کردەوە ئەو پیاوە بە زانست قسەیان لەگەڵ دەکات، جا ئەوانەی زانیان اللە بەڵگەی لە زانست داناوە نەک لە ناو بەڕاستیەکەیان زانی، بە بەڵگەی ئەم فەرموودەیەی اللە ی پایەبەرز: {فَمَنْ حَآجَّكَ فِيهِ مِن بَعْدِ مَا جَاءكَ مِنَ الْعِلْمِ}.

جا دواتر ئەوانەی زانیان اللە بەڵگەی لە زانست داناوە خۆیان بەدەستەوەداو ملکەچ بوون و دانیان نا بەوەی بەڕاستی محمد بریتیە لە خودی ئەحمەد لەکتێبدا، بۆیە خۆیان بەدەستەوەداو لە موباھەلەکردن پاشەکشەیان کرد، جگە لەوانەی لەسەر ئەوە مانەوە دەست بە بەڵگەی ناوەکەوە بگرن، جا لەپاش ئەوە فەرموودەی اللە دابەزی بە پشتڕاستکردنەوەی باوەڕی ئەو نەصارایانەی خۆیان بەدەستەوە داو بەوەی بە ئاشکراو شاراوەییش باوەڕیان ھێناوە، اللە ی پایەبەرزیش فەرموویەتی: {الَّذِينَ آتَيْنَاهُمُ الْكِتَابَ مِن قَبْلِهِ هُم بِهِ يُؤْمِنُونَ ﴿52﴾ وَإِذَا يُتْلَىٰ عَلَيْهِمْ قَالُوا آمَنَّا بِهِ إِنَّهُ الْحَقُّ مِن رَّ‌بِّنَا إِنَّا كُنَّا مِن قَبْلِهِ مُسْلِمِينَ ﴿53﴾ أُولَـٰئِكَ يُؤْتَوْنَ أَجْرَ‌هُم مَّرَّ‌تَيْنِ بِمَا صَبَرُ‌وا وَيَدْرَ‌ءُونَ بِالْحَسَنَةِ السَّيِّئَةَ وَمِمَّا رَ‌زَقْنَاهُمْ يُنفِقُونَ ﴿54﴾ وَإِذَا سَمِعُوا اللَّغْوَ أَعْرَ‌ضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلَامٌ عَلَيْكُمْ لَا نَبْتَغِي الْجَاهِلِينَ ﴿55﴾} صدق الله العظيم [القصص].

بەڵام ئەو زانا نەصارایانەی دەستیان بە بەڵگەی ناوەکەوە گرتبوو خۆیان بە دەستەوە نەدا، بەڵکو تەنھا دەستەیەک لەوان خۆیان بەدەستەوەدا کە بریتی بوون لەوانەی بە مەبەستی ئەم فەرموودەی اللە ی پایەبەرزیان زانی کاتێک دەفەرموێت: {فَمَنْ حَآجَّكَ فِيهِ مِن بَعْدِ مَا جَاءكَ مِنَ الْعِلْمِ}.

جا لەپاش ئەوە زانیان اللە بەڵگەی لە زانست داناوە نەک لە ناو، ئەمەش چونکە بە مەبەستە ئاشکراکەی ئەم فەرموودەیەی اللە ی پایەبەرزیان زانی: {فَمَنْ حَآجَّكَ فِيهِ مِن بَعْدِ مَا جَاءكَ مِنَ الْعِلْمِ}.

جا دەستەیەکیان باوەڕیان ھێنا لەوانەی باوەڕیان بەوە ھێنا بەڵگە لە زانستدایە، وە ئەوانەی دەستیان بە بەڵگەی ناوی ئەحمەدەوە گرت لە بێباوەڕبوون بەردەوام بوون. اللە ی پایەبەرزیش دەربارەی ئەو نەصارایانەی باوەڕیان ھێنا فەرموویەتی: {وَإِنَّ مِنْ أَهْلِ الْكِتَابِ لَمَن يُؤْمِنُ بِاللَّـهِ وَمَا أُنزِلَ إِلَيْكُمْ وَمَا أُنزِلَ إِلَيْهِمْ خَاشِعِينَ لِلَّـهِ} [آل عمران:199].

جا ئەوانە بریتین لە زانا حەقەکانی نێو زانایانی نەصاراکان، اللە ش بە حەق ستاییشیان دەکات و دەربارەیان فەرموویەتی: {إِنَّ الَّذِينَ أُوتُوا الْعِلْمَ مِن قَبْلِهِ إِذَا يُتْلَىٰ عَلَيْهِمْ يَخِرُّ‌ونَ لِلْأَذْقَانِ سُجَّدًا ﴿107﴾ وَيَقُولُونَ سُبْحَانَ رَ‌بِّنَا إِن كَانَ وَعْدُ رَ‌بِّنَا لَمَفْعُولًا ﴿108﴾} صدق الله العظيم [الإسراء].

جا ئەوان زانیان بەڕاستی محمد نێردراوی اللە بریتیە لە خودی ئەحمەد نێردراوی اللە لە کتێبەکەی اللە، وە اللە بەڵێنەکەی بۆ جێبەجێ کردن بە مژدەی ئەو پێغەمبەرەی دوای عیسای کوڕی مەریەم نێردراوە درودو سڵاوی لەسەر، وە بۆیە وتیان: {سُبْحَانَ رَ‌بِّنَا إِن كَانَ وَعْدُ رَ‌بِّنَا لَمَفْعُولًا} صدق الله العظيم.

جا ئەی گەلی زانایانی موسڵمانان، ئایا زانیتان اللە بەڵگەی لە زانست داناوە نەک لە ناو؟ جا منی مەھدی چاوەڕوانکراوی حەقی لای پەروەردگارەکەتان بە زانست تەحەدداتان دەکەم، جا ئەگەر بە زانست بەڵگەم بەسەردا ھێنانەوە ئەوکاتە بەڕاستی بەحەق بەسەرتاندا زاڵبوومە، بۆیە ئەوکاتە گوێبگرن و گوێڕایەڵ و ملکەچ بن، وە ئەگەر ئێوە بە زانست بەڵگەتان بەسەردا ھێنامەوە ئەوا ھیچ گوێڕایەڵی و ملکەچیتان لەسەر نیەو ئەوکاتە منیش مەھدی چاوەڕوانکراوی حەقی لای پەروەردگارەکەتان نیم ئەگەر بە دەسەڵاتی زانستی قورئانی گەورە زمانتان لاڵ نەکەم.

ھەرچی ئەوانەن دواتر دەست بە بەڵگەی ناوەکەوە دەگرن ئەوانە ھەرگیز بۆ ھەمیشە باوەڕ بە مەھدی چاوەڕوانکراوی حەقی لای پەروەردگارەکەیان ئیمام ناصر محمد یەمانی ناهێنن تا ئەوکاتەی ھەسارەی سزا بەئێشەکە دەبینن، ھەرچەندە محمد نێردراوی اللە ش - درودو سڵاوی اللە لەسەر خۆی و کەس و کارەکەی - نەیفەرمووە ناوی مەھدی چاوەڕونکراو محمد ـە؛ بەڵکو درودو سڵاوی لەسەر فەرموویەتی: [يواطئ اسمه اسمي].
واتە/ ناوەکەی لەگەڵ ناوی من ڕێک دەکەوێت.

جا ئەمە دەربڕینێکە پێشەوایان و ئەھلی زانست لەسەری کۆکن (متفق علیە)، وە لەڕاستیدا ئەوەمان فێرکردن (تواطؤ) بریتیە لە ڕێککەوتن (توافق)، بەومانایەی ناوی محمد لەگەڵ ناوەکەی مەھدی کە (ناصر محمد) ـە ڕێک دەکەوێت، ڕێککەوتنەکەش لە ناوی باوکیدا ھاتووە، حیکمەتەکەش لەوە بۆ ئەوەیە تا ناوەکە ھەواڵەکە ھەڵبگرێت، جا ناوەکەی مەھدی لە ئاڵاو بانگەوازەکەیدا ببێت بە ناصر محمد (واتە بەسەرخەری محمد)، بەو مانایەی اللە نە کردوویەتی بە پێغەمبەر نە بە نێردراوێکیش، بەڵکو وەکو بەسەرخەری ئەوە هاتووە کە دوایین نێردراوو پێغەمبەران محمد نێردراوی اللە ھێناویەتی (ناصراً لما جاء به خاتم الأنبياء والمُرسلين محمد رسول الله) درودو سڵاوی اللە لەسەر خۆی و کەس و کارەکەی، بەھەمان شێوە ڕاستی (تواطؤ) ـەکەشمان لە قورئانی گەورە فێرکردن لەم فەرموودەیەی کاتێک اللە ی پایەبەرز دەفەرموێت: {إِنَّمَا النَّسِيءُ زِيَادَةٌ فِي الْكُفْرِ‌ يُضَلُّ بِهِ الَّذِينَ كَفَرُ‌وا يُحِلُّونَهُ عَامًا وَيُحَرِّ‌مُونَهُ عَامًا لِّيُوَاطِئُوا عِدَّة مَا حَرَّ‌مَ اللَّـهُ فَيُحِلُّوا مَا حَرَّ‌مَ اللَّـهُ زُيِّنَ لَهُمْ سُوءُ أَعْمَالِهِمْ} صدق الله العظيم [التوبة:37].

ئێوەش دەزانن ھۆکاری دابەزینی ئەم ئایەتە دەربارەی دەستەیەکی جولەکە بوو، لەوانەی یەکێک لە ساڵە عیبریەکان دەکەن بە سیانزە مانگ بەتایبەتی لە ساڵی پڕ (الكبيسة)، ئەمەش بۆئەوەی لەگەڵ مانگی حەرامکراوی موحەڕەم ڕێک بکەوێت، تا ئەوە حەڵاڵ بکەن کە اللە حەرامی کردووە، ئەمەش چونکە ساڵی عیبری ساڵێکی ڕێکخراو بووە کە لە مانگی ذی لحجەوە دەست پێدەکات و لە مانگی ذی لحجەش کۆتایی پێ دێت، بەڵام ناوی مانگەکانیان جیاوازە بەڵام وەکو ساڵی کۆچی ڕێکخراوە، بەڵام مانگی موحەڕەمی حەرامکراو کە چوارەم مانگی حەرامکراوە اللە کردوویەتی بە سەرەتای ساڵی کۆچی، بۆیە ئەوان ناچاربوون مانگێکی تەواو بۆ ساڵی عیبری زیاد بکەن تا لەگەڵ مانگی موحەڕەمی حەرامکراو ڕێک بکەوێت، تا ئەوەی اللە حەرامی کردووە تێیدا حەڵاڵی بکەن و دەیکەنە کۆتایی ساڵی عیبری، ئەو کارەش زیادەیە لە بێباوەڕی و دەستدرێژی کردنە بۆ سەر سنورەکانی اللە ی ڕەحمان و حەڵاڵکردنی ئەوەیە کە اللە حەرامی کردووە، جا لەوەدا تەنھا مانای زمانەوانی (تواطؤ) دەردەھێنین، جا بینیمان ماناکەی ڕێککەوتن (التوافق) ـە لەگەڵ مانگی موحەڕەمی حەرامکراوی یەکەم مانگی ساڵی نوێی کۆچی، جا ئەوان دەیکەن بە کۆتا مانگی ساڵی عیبری، لێرەدا بینیمان ڕێککەوتنەکە لە کۆتایی ساڵی عیبریدا هاتووە، جا لە مانگی موحەڕەمی حەرامکراو کۆتایی پێدەھێندرێت تا ئەوە حەڵاڵ بکەن کە اللە حەرامی کردووە، اللە بیانکوژێت لەوەی ھەڵیدەبەستن!.

وە بۆ ئەوەی لە بابەتەکە دەرنەچین کە بریتیە لە گەڕان بەدوای ڕاستی (تواطؤ) لە قورئانی گەورە ئەوا نەمان بینی مەرج بێت لە سەرەتادا بێت. بەڵگەکەش ئەم فەرموودەیەی اللە ی پایەبەرزە: {إِنَّمَا النَّسِيءُ زِيَادَةٌ فِي الْكُفْرِ‌ يُضَلُّ بِهِ الَّذِينَ كَفَرُ‌وا يُحِلُّونَهُ عَامًا وَيُحَرِّ‌مُونَهُ عَامًا لِّيُوَاطِئُوا عِدَّة مَا حَرَّ‌مَ اللَّـهُ فَيُحِلُّوا مَا حَرَّ‌مَ اللَّـهُ زُيِّنَ لَهُمْ سُوءُ أَعْمَالِهِمْ} صدق الله العظيم [التوبة:37].

جا لێرەدا بەدڵنیاییەوە دەزانین وشەی (تواطؤ) مەرج نیە لە یەکەمدا بێت ھەروەک وایدادەنێن، بەوەی (تواطؤ) ـەکە تەنها لەسەر ناوی یەکەمی مەهدی بێت، بەڵکو لە فەرموودەکەی (التواطؤ) ئەوەمان بۆ ڕوون بوویەوە حیکمەتێکی گەورەو زۆر گرنگ ھەیە، حیکمەتەکەش نایەتەدی ئەگەر ناوی محمد لەگەڵ ناوی مەھدی ڕێک نەکەوێت (تواطؤ) بەناوی باوکی؛ ناصر محمد - بەسەرخەری محمد - تا ناوەکە ھەواڵ و ئاڵای بانگەوازەکە ھەڵبگرێت، ئایا تێناگەن؟ ئەمەش پێوانە (قیاس) نیە، بەڵکو تەنھا گەڕانە بەدوای ڕاستی (تواطؤ)، بەوەی ئایا مەرجە لە یەکەمدا بێت؟ جا بینیمان دەکرێت و ڕەوایە لەدوای یەکەمیش بێت؛ جگە لەوەی دووبارەی دەکەمەوە اللە بەڵگەی لەناو دانەناوە بەڵکو لە زانست دایناوە، جا ئایا تێدەگەن؟

وە درودو سڵاو لەسەر نێردراوو پێغەمبەران، سوپاس و ستایشیش بۆ اللە ی پەروەردگاری خەڵکی جیهان..
مەھدی چاوەڕوانکراو بەسەرخەری ئەوەی محمد نێردراوی اللە درودو سڵاوی اللە لەسەرخۆی و کەس و کارەکەی هێناویەتی؛ ئیمام ناصر محمد یەمانی.
________________
اقتباس: اضغط للقراءة